මඩකලපු කෝච්චියේ නිදන මැදුරේ නෙදර්ලන්ත යුවලකගේ අනග රැඟුම නිසා ඒ රටේ නමත් ඉවරයි

පසුගියදා මඩකළපුව සිට කොටුව බලා පැමිණි රාත්‍රි තැපැල් දුම්රියේ අශෝභන ලෙස හැසිරී ඇති නෙදර්ලන්ත තරුණ යුවළක් දුම්රිය ආරක්‍ෂක නිලධාරීන්ගේ රාජකාරියටද බාධා කිරීම නිසා ඔවුන් කොටුව පොලිසිය වෙත භාරදීමට කටයුතු යොදා තිබීම සම්බන්ධයෙන් පුවතක් වාර්තා වුණා.


මෙම යුවල වැලිකන්ද ප්‍රදේශයේදී එහි දුම්රිය ස්ථානයෙන් ගොඩව දෙවන පන්තියේ ප්‍රවේශපත් මිලදීගෙන තිබෙනවා.
පසුව ඔවුන් අශෝභන ලෙසින් හැසිරීමත් ඔවුන් ගමන්කළ දුම්රිය මැදිරියේ සිටි පිරිසක් කළ පැමිණිල්ලකට අනුව ආරක්ෂක නිලධාරීන් ඔවුන්ට දැඩිසේ අවවාද කර තිබෙනවා.

නමුත් ඔවුන් දෙදෙනා නිදන මැදිරිය වෙත ගොස් අශෝභන ලෙස හැසිරීම නිසා දුම්රිය ආරක්‍ෂක නිලධාරීන් ඒ සම්බන්ධව අවවාද කොට ඇති අතර දෙවැනි මැදිරියේ ප්‍රවේශපත් රැගෙන නිදන මැදිරියේ යා නොහැකි බවද දන්වා තිබේ.


නිදන මැදිරි භාර ආරක්‍ෂකයන් මොවුන්ට අවවාද කළත් අශෝභන ක්‍රියාවද ඔවුන් එතරම් ගණන් නොගෙන ඇත. මේ විදේශ යුවළට මගීන්ගේද දැඩි විරෝධය එල්ල වීම නිසා කොටුව දුම්රිය පොළ වෙත පැමිණි පසු දුම්රිය ආරක්‍ෂකයන් ඔවුන් පොලිසිය වෙත භාරදීමට කටයුතු කොට තිබේ.